Ikpa Mbuban ìre ikpa ògege inu ofolek Awaji. Îre ikpa òkipọk mbum ogwu Awaji orebe ijeen̄ ebilene,^[1] mè ire si ikpa òsibi esese me etete ebi kè ofifi ikpa. Ebi ìkigọọk Jisọs Karais (ebi Kiristien) ekimalek ifuk ikpa yi. Ema ekifuk mije îre me emen ikpa ya ke ege otutuuk inu ofolek ubọk ebi ema ebekilùk ugwem.

Îre Awaji osà me ubọk Ekwukwu Mbuban inyi ebilene unye esabe ige otutuuk Ikpa Mbuban agan̄ Oka Inyan̄a-ibot melek agan̄ Ayaya Inyan̄a-ibot. ^[2]

Mgbọ egebe Ikpa Mbuban, esa usem Iburu ige otutuuk ikpa òkup me emen Oka Inyan̄a-inyan̄a ibot, ilọ me lek ikpa Danien 2:4-7:28, mè Ejira 4:8-6:18;7:12, mè Jerimaya 10:1, echi esabe usem Aram ige. Esa usem Giris ige Ayaya Inyan̄a-ibot. Mgbọ egebe inu òkup me emen Ayaya Inyan̄a-ibot, esa usem Giris eyi owuwa ene me ukot mgbọ ya ekitumu ige, inyi otutuuk ene enọ, mije ikọ Awaji ìkup inyi otutuuk ene.^[3]

Inu òkukup me emen Ikpa Mbuban ìre echi: nkere Awaji, ijo-irek ebilene, oniin̄ ǹnyan̄a-ǹsibi, mè ufialek òkup inyi ebi ìkirọ ijo-inu. Ikekifuk ọmọ môrọ inyi ene oriọọn̄ inu; ichechieek me lek inu îjeen̄be mônyan̄a ene isibi; ikekirọ inu cha si môrọ inyi ene itana me isi Awaji. ^[4]

Ikpa Mbuban Eyi Usem Obolo

Ikpa Mbuban eyi Usem Obolo, efaka me akọp usen iba mè ini me emen oyan̄ go me acha 2014. Esa akọp acha ita isa irọ ikwaan̄ igege ikpa yi me usem Obolo. Usem Obolo ore òso akọp iba mè ita me ido Naijiria okakaan̄ Ikpa Mbuban;^[5] mire òso efit ge me akọp ini mè jeeta (148) me Afìrikà; mire òso efit go mè akọp mè go (515) me otutuuk liyọn̄.^[6]

Nrọnnye

↑ "Ikwaan̄ Ukechieen̄ Echi Okaan̄-ene Jisọs Orọbe." Pg. 1, n.d. SGM International, Lọnọn, Gèret Bìritèn
↑ "Ikọ Ofolek Ikpa Mbuban" in Ikpa Mbuban: The Bible in Obolo, Nigeria [ann] ©2012 Wycliffe, Inc. ISBN # 978-978-927-193-1
↑ "Ikọ Ofolek Ikpa Mbuban" in Ikpa Mbuban: The Bible in Obolo, Nigeria [ann] ©2012 Wycliffe, Inc. ISBN # 978-978-927-193-1
↑ Introduction by The Gideons International in The New Testament of Our Lord and Saviour Jesus Christ with Psalms and Proverbs. © 1979, 1980, 1982 by Thomas Nelson Inc. National Publishing Company
↑ The 23rd Nigerian Language to Receive the Whole Bible https://web.archive.org/web/20190826001428/http://obolo.ngbible.com/about/
↑ Ikọ (Dr) Uche E. Aaron Otumu me usen Usem Obolo me 23/02/2016 https://www.obololanguage.org/ann/ik%E1%BB%8D-dr-uche-e-aaron-otumu-me-usen-usem-obolo

[1] "Ikwaan̄ Ukechieen̄ Echi Okaan̄-ene Jisọs Orọbe." Pg. 1, n.d. SGM International, Lọnọn, Gèret Bìritèn

[2] "Ikọ Ofolek Ikpa Mbuban" in Ikpa Mbuban: The Bible in Obolo, Nigeria [ann] ©2012 Wycliffe, Inc. ISBN # 978-978-927-193-1

[3] "Ikọ Ofolek Ikpa Mbuban" in Ikpa Mbuban: The Bible in Obolo, Nigeria [ann] ©2012 Wycliffe, Inc. ISBN # 978-978-927-193-1

[4] Introduction by The Gideons International in The New Testament of Our Lord and Saviour Jesus Christ with Psalms and Proverbs. © 1979, 1980, 1982 by Thomas Nelson Inc. National Publishing Company

[5] The 23rd Nigerian Language to Receive the Whole Bible https://web.archive.org/web/20190826001428/http://obolo.ngbible.com/about/

[6] Ikọ (Dr) Uche E. Aaron Otumu me usen Usem Obolo me 23/02/2016 https://www.obololanguage.org/ann/ik%E1%BB%8D-dr-uche-e-aaron-otumu-me-usen-usem-obolo

[1]

[2]

[3]

[4]

[5]

[6]

Ikpa Mbuban

Nrọnnye

From Wikipedia, the free encyclopedia · View on Wikipedia